Fram
undan
Drekar og risaeðlur koma sannarlega við sögu
í bókum okkar í ár, 2007!
Eldur drekans er þriðja og
síðasta bindið í bráðskemmtilegum
flokki eftir verðlauna- og metsöluhöfundinn Jane
Johnson - framhald hinna geysivinsælu bóka, Leynilandsins
og Skuggaheima.
Enn eru átök í Leynilandinu sem nú má
frekar kalla Skuggaheima. Aleister hinn ógurlegi hefur sloppið
úr fangelsi. Hann og Mannhundurinn mynda bandalag gegn Ísadóru
drottningu, börnum hennar og liðsmönnum. Mannhundurinn
heldur Nafnabókinni og getur því kallað til
sín tröll, svartálfa og fleiri óvættir
- og risaeðlur. Baráttan er ójöfn. Aðeins
eitt getur bjargað: Að Ben heppnist að fá drekana
til að fylgja Ísadóru drottningu í lokaátökunum
um Leynilandið...
(9-13 ára)
Keisarinn í Furðulandi
Litli keisarinn í Furðulandi lendir í ótrúlegum
ævintýrum í undarlegri veröld. Þar
koma við sögu skápaskrímsli, loftfiskar, regnhlífatré
og að sjálfsögðu drekar! Spennandi saga
- og sjón er sögu ríkari! Stórskemmtilegar
myndir fylgja stórkostlegum texta.
(Hentar fyrir 3-6 ára krakka og alla sem lesa fyrir þá)
Sömu söguhetjur og í bókinni Kossinn sem
hvarf birtast í sögunni
Góða nótt - sofðu rótt!
Reyndar bætist lítil prinsessa í hópinn.
Hún heldur vöku fyrir allri hirðinni með óstöðvandi
gráti. Konunglegi kötturinn reif koddann hennar. Það
er von að að hún sé leið og reið og
gráti. Riddarinn (næstum því) hugprúði
er sendur af stað til að finna mjúka fyllingu í
kodda. Mjög mjúka. Á ferð sinni hittir hann
auðvitað ógurlegan dreka...
(3-7 ára, foreldra þeirra, afa og ömmur, frændur
og frænkur!)
Sagan um allt!
Sagan frá öndverðu (frá því
að jörðin varð til) til okkar tíma er sögð
á ellefu opnum! Ótrúlegt!
Frábær bók með fjörlegum texta og fyndnum
myndum.
Flettu henni - ef þú þorir!
Einhyrningurinn minn
Góðar fréttir!
Við gefum út 6. bókina í þessum vinsæla
flokki í haust
- og einnig 1. bókina, Galdurinn.
Hún hefur ekki fengist í nokkur ár en nú
prentum við hana að nýju.
Mjög margir hafa spurt um Galdurinn og geta nú glaðst.
